சுவிஸ் மின் நிறுவனங்களுக்கான மீட்புத் திட்டம் நீட்டிப்பு மறுப்பு

தேசிய மன்றத்தைத் தொடர்ந்து, மாநிலங்கள் மன்றமும் கூட்டாட்சி மன்றத்தின் மீட்புத் திட்டத்தை நீட்டிக்கும் பரிந்துரையை நிராகரித்துள்ளது.

2022ஆம் ஆண்டு எரிசக்தி சந்தையில் ஏற்பட்ட கடுமையான விலை உயர்வைத் தொடர்ந்து இந்த அவசரகால மீட்புத் திட்டம் அறிமுகப்படுத்தப்பட்டது. பெரிய மின்சார நிறுவனங்கள் தங்களது வர்த்தக உத்தரவாதங்களை வழங்க முடியாமல் போனால், நாட்டின் மின்சார விநியோகம் பாதிக்கப்படலாம் என்ற அச்சமே இதற்குக் காரணமாக இருந்தது.

தற்போது எரிசக்தித் துறையில் பணப்புழக்க நெருக்கடி ஏற்படும் என எதிர்பார்க்கப்படவில்லை என்றும், நிறுவனங்களும் அவற்றின் உரிமையாளர்களுமே எதிர்கால நெருக்கடிகளுக்கு தேவையான முன்னெச்சரிக்கை நடவடிக்கைகளை மேற்கொள்ள வேண்டும் என்றும் நாடாளுமன்றம் தெரிவித்துள்ளது.

இதுவரை இந்த மீட்புத் திட்டத்தின் கீழ் கூட்டாட்சி அரசிடமிருந்து எந்தக் கடனும் பெறப்படவில்லை என்பது குறிப்பிடத்தக்கது.