உலகளவில் அதிகரிக்கும் கடன் செலவுகள் – சுவிட்சர்லாந்திலும் தாக்கம்

அமெரிக்காவின் 10 ஆண்டு கால அரசுப் பத்திரங்களின் வட்டி விகிதம், 2007-ஆம் ஆண்டுக்குப் பிறகு முதல் முறையாக 5 சதவீதத்தைத் தாண்டியுள்ளது. இதன் தாக்கமாக சுவிட்சர்லாந்தின் 10 ஆண்டு கால வட்டி விகிதங்களும் உயர்ந்துள்ளன. இருப்பினும், அவை இன்னும் 1 சதவீதத்துக்கும் குறைவாகவே உள்ளன.

Swisscanto நிதி மேலாளர் வின்சென்ட் லாகர் கூறுகையில், டென்மார்க், ஆஸ்திரேலியா மற்றும் சுவிட்சர்லாந்து ஆகிய நாடுகளின் வட்டி விகிதங்கள் ஒரே போக்கில் நகர்வதாக தெரிவித்துள்ளார்.

இது குறிப்பிட்ட சில நாடுகளின் கடன் நிலை தொடர்பான பிரச்சினை அல்ல என்றும், உலகளாவிய அளவில் உருவாகி வரும் மாற்றம் என்றும் அவர் தெரிவித்துள்ளார்.

அமெரிக்காவின் 10 ஆண்டு கால பத்திர வட்டி விகிதம் உலகளாவிய அளவில் முக்கியமான குறியீடாக கருதப்படுகிறது. இது வீட்டு கடன்கள் மற்றும் நிறுவனங்களுக்கான கடன் செலவுகளிலும் தாக்கத்தை ஏற்படுத்துகிறது.