சுவிட்சர்லாந்தின் லோசானில் நடைபெற்ற டயமண்ட் லீக் தொடரில் தங்கம் வென்று அசத்தினார் ருமேஷ் தரங்க!

ஈட்டி எறிதல் விளையாட்டில் உலகத் தரவரிசையில் இலங்கைத் தாரகை ருமேஷ் தரங்க மீண்டும் முதலிடத்தைப் பிடித்துப் புதிய சாதனை படைத்துள்ளார்.

சர்வதேச தடகளக் கூட்டமைப்பின் சமீபத்திய தரவரிசைப் பட்டியலில் ருமேஷ் தரங்க 1,363 புள்ளிகளுடன் மீண்டும் முதலிடத்திற்கு முன்னேறியுள்ளார். ஜெர்மனியின் ஜூலியன் வேபர் (1,342 புள்ளிகள்) இரண்டாம் இடத்தைப் பிடித்துள்ளார்.

சுவிட்சர்லாந்தின் லோசானில் நடைபெற்ற டயமண்ட் லீக் தொடரில் 88.14 மீட்டர் தூரம் ஈட்டி எறிந்து, இந்திய வீரர் நீரஜ் சோப்ராவை வீழ்த்தித் தங்கப் பதக்கம் வென்றதன் மூலம் இந்த முதலிடத்தைச் தட்டிப்பறித்துள்ளார்.

காமன்வெல்த் போட்டியில் தங்கப் பதக்கம், இத்தாலியின் ரோமில் நடைபெற்ற போட்டியில் 92.62 மீட்டர் எறிந்து புதிய தேசிய சாதனை என இந்த ஆண்டில் ருமேஷ் தரங்க தொடர்ச்சியாக முத்திரை பதித்து வருகிறார்.

அடுத்த இலக்கு: உலகத் தடகள களத்தில் முதலிடத்தை மீண்டும் கைப்பற்றியுள்ள ருமேஷ் தரங்கவுக்கு இலங்கை தடகளச் சங்கம் மற்றும் விளையாட்டு ரசிகர்கள் தங்களது வாழ்த்துகளைத் தெரிவித்து வருகின்றனர்.