சூரிச்சில் ஸ்மார்ட் கண்ணாடிகளுக்கு தடை?

ஸ்மார்ட் கண்ணாடிகளில் மறைமுகமாக பொருத்தப்பட்ட கேமரா மற்றும் மைக்ரோஃபோன்கள் மூலம், குறிப்பாக நீச்சல் குளங்களில் பெண்களை அவர்களின் அனுமதியின்றி ரகசியமாக படம் பிடிக்கும் சம்பவங்கள் அதிகரித்து வருவதாக மாகாண நாடாளுமன்ற உறுப்பினர்கள் தெரிவித்துள்ளனர்.

இதுபோன்ற காணொளிகள் இணையத்திலும் பகிரப்படுவதால், தனியுரிமை கடுமையாக பாதிக்கப்படுவதாக அவர்கள் கூறுகின்றனர்.

சூரிச்சின் சில நீச்சல் குளங்களில் ஏற்கனவே புகைப்படம் மற்றும் காணொளி எடுப்பதற்கு தடை இருந்தாலும், கேமராக்கள் வெளியில் தெரியாத ஸ்மார்ட் கண்ணாடிகளைக் கட்டுப்படுத்த அது போதுமானதாக இல்லை என தெரிவிக்கப்பட்டுள்ளது.

எனவே, நீச்சல் குளங்கள், சானாக்கள், உடற்பயிற்சி மையங்கள் உள்ளிட்ட பொது இடங்களில் இந்தக் கண்ணாடிகளைத் தடை செய்வது குறித்து அரசு நடவடிக்கை எடுக்க வேண்டும் என கோரப்பட்டுள்ளது.

பெர்ன், லூசெர்ன், வில் மற்றும் பேசல் பகுதிகளிலும் இதுபோன்ற கட்டுப்பாடுகள் தொடர்பான கோரிக்கைகள் முன்வைக்கப்பட்டுள்ளன.