மூன்று பதக்கங்களுடன் ஆசிய விளையாட்டுப் போட்டிகளை நிறைவு செய்த இலங்கை!

இதன் மூலம், தொடர்ந்து இரண்டு போட்டிகளில் குறைந்தது ஒரு தங்கப் பதக்கத்தையாவது வெல்லும் தனது சாதனையை இலங்கை தக்கவைத்துக் கொண்டது.

ஆண்களுக்கான ஈட்டி எறிதல் போட்டியில் ரூமேஷ் தரங்க பத்திரகே தங்கப் பதக்கம் வென்றார்.

அதேவேளையில், இலங்கையின் மகளிர் கிரிக்கெட் அணி வெள்ளிப் பதக்கத்தையும், ஆடவர் கிரிக்கெட் அணி வெண்கலப் பதக்கத்தையும் வென்றன.

இந்த மூன்று பதக்கங்கள் என்பது, ஹாங்சூவில் நடைபெற்ற 2022 ஆசிய விளையாட்டுப் போட்டிகளில் இலங்கை வென்ற ஐந்து பதக்கங்களை (ஒரு தங்கம், இரண்டு வெள்ளி மற்றும் இரண்டு வெண்கலம்) விடக் குறைவான எண்ணிக்கையாகும்.

மொத்தப் பதக்கங்களின் அடிப்படையில் ஆசிய விளையாட்டுப் போட்டிகளில் இலங்கையின் மிகச் சிறந்த செயல்பாடுகள் 1966-ல் பேங்கொக்கிலும், 1998-ல் பேங்கொக்கிலும், 2002-ல் பூசானிலும் பதிவாகியிருந்தமை குறிப்பிடத்தக்கது.