பாகிஸ்தான் செல்லும் இலங்கை அணி: 16 பேர் கொண்ட ஒருநாள் குழாம் அறிவிப்பு!

குசல் மெண்டிஸ் தலைமையிலான இந்த அணியில், தசுன் ஷானக்க, சஹான் ஆராச்சிகே மற்றும் அவிஷ்க பெர்னாண்டோ ஆகியோர் மீண்டும் சேர்க்கப்பட்டுள்ளனர். அதேவேளை, சோபிக்கத் தவறிய சரித் அசலங்க அணியிலிருந்து நீக்கப்பட்டுள்ளார். காயமடைந்துள்ள பெத்தும் நிஸ்ஸங்கவின் பங்கேற்பு அவரது உடற்தகுதியைப் பொறுத்தே அமையும்.

இலங்கை அணி முதற்கட்டமாக 3 T20 போட்டிகளிலும், அக்டோபர் 18 முதல் 27 வரை முக்கோண ஒருநாள் தொடரிலும், தொடர்ந்து 2 டெஸ்ட் போட்டிகளிலும் விளையாடவுள்ளது.

இலங்கை குழாம்:

குசல் மெண்டிஸ் (தலைவர்), பெதும் நிஸ்ஸங்க, அவிஷ்க பெர்னாண்டோ, கமில் மிஷார, பவன் ரத்நாயக்க, சஹான் ஆராச்சிக்கே, கமிந்து மெண்டிஸ், ஜனித் லியானகே, தசுன் ஷானக்க, துனித் வெல்லாலகே, மஹீஷ் தீக்ஷண, சசிந்து கொழும்பகே, துஷ்மந்த சமீர, அசித பெர்னாண்டோ, டில்ஷான் மதுஷங்க, எஷான் மாலிங்க.