செயற்கை நுண்ணறிவுத் தொழில்நுட்பத்திற்கு எதிராக கடுமையான பாதுகாப்பு வழிமுறைகள் அவசியம் - ஐ.நா. மனித உரிமைகள் பேரவை எச்சரிக்கை!

இந்தக் கூட்டத்தில் பேசிய ஐ.நா. மனித உரிமைகள் ஆணையாளர் Volker Türk, மேம்பட்ட செயற்கை நுண்ணறிவுத் தொழில்நுட்பங்கள் மனித உரிமைகளுக்குப் பெரும் அச்சுறுத்தலாகவும், மனிதகுலத்திற்கு ஒரு இருத்தலியல் ஆபத்தாகவும் (Existential Risk) மாற வாய்ப்புள்ளது என்று எச்சரித்துள்ளார்.  

குறிப்பாக, இத்தகைய சக்திவாய்ந்த தொழில்நுட்பங்களின் முழுக் கட்டுப்பாடும் சில குறிப்பிட்ட தனிநபர்கள் அல்லது பெருநிறுவனங்களின் கைகளில் மட்டுமே குவிந்து வருவது கவலை அளிப்பதாக அவர் தெரிவித்தார்.

சோதனைச் சாவடிகளை மீறிச் செல்லும் அல்லது கட்டுப்படுத்த முடியாத அளவுக்குத் வளர்ந்துவிடும் AI அமைப்புகள் மனிதகுலத்திற்குப் பெரும் சவாலாக உருவெடுக்கும் முன்பு, சர்வதேச நாடுகள் ஒருங்கிணைந்து அவசர பாதுகாப்பு வழிமுறைகளை (Safeguards) உருவாக்க வேண்டும் என்று அவர் கோரிக்கை விடுத்துள்ளார்.