தண்ணீர் பற்றாக்குறையால் சுவிஸ் விவசாயம் கடும் நெருக்கடியில்

வறட்சியால் கால்நடைகளுக்கு தீவனப் பற்றாக்குறையும் ஏற்பட்டுள்ளது. குறிப்பாக பால் மாடுகள் வெப்பம் மற்றும் ஊட்டச்சத்து குறைபாடு காரணமாக கன்று ஈனுவதில் சிக்கல்களை சந்தித்துள்ளதாக விவசாயிகள் தெரிவித்துள்ளனர்.

பழ உற்பத்தியிலும் பாதிப்பு ஏற்பட்டுள்ளது. சில விவசாயிகளின் ஆப்பிள் மற்றும் பேரிக்காய் விளைச்சல் சுமார் 30 சதவீதம் குறைந்துள்ளது. போதிய நீர் இல்லாததால் பழங்கள் சிறியதாக மாறியதுடன், முன்கூட்டியே உதிர்ந்துள்ளன.

திராட்சை உற்பத்தியிலும் தாக்கம் ஏற்பட்டுள்ளது. இந்த ஆண்டு சில திராட்சை வகைகளின் அறுவடை பாதியாகக் குறைந்துள்ளதாக ஒயின் உற்பத்தியாளர்கள் தெரிவித்துள்ளனர். அதே நேரத்தில், அதிக வெப்பத்தால் திராட்சையின் தரம் சிறப்பாக இருந்ததாகவும் கூறப்படுகிறது.

தொடர்ந்து இதுபோன்ற வறண்ட கோடைகள் ஏற்பட்டால், கால்நடைகளுக்கான தீவன கையிருப்பு குறைந்து, விவசாயிகள் தங்கள் சாகுபடி முறைகளில் மாற்றங்களைச் செய்ய வேண்டிய நிலை ஏற்படும் என எச்சரிக்கை விடுக்கப்பட்டுள்ளது.

வறட்சியும் வெப்பமும் தொடர்ந்து அதிகரிக்கும் நிலையில், எதிர்காலத்தில் சுவிஸ் விவசாயத் துறையை மாற்றியமைப்பதற்கான நடவடிக்கைகள் அவசியம் என நிபுணர்களும் விவசாயிகளும் தெரிவிக்கின்றனர்.