சுவிஸ் ஏர்லைன்ஸ்: நிர்வாகத்திற்கு எதிராக போராட்டத்தை தீவிரப்படுத்தும் விமானிகள்!

புதிய கூட்டு ஒப்பந்தம் தொடர்பாக நடைபெற்று வரும் பேச்சுவார்த்தையில் முன்னேற்றம் இல்லாததால், 1,000-க்கும் மேற்பட்ட விமானிகள் கையெழுத்திட்ட பகிரங்கக் கடிதம் ஒன்றை நிறுவனத்தின் உயர் நிர்வாகத்திடம் சமர்ப்பித்துள்ளனர். 

Aeropers விமானிகள் சங்கத்தின் சார்பில் முன்னெடுக்கப்பட்டுள்ள இந்த போராட்டத்தில், விமானிகள் தங்களின் முக்கிய கோரிக்கைகளாக பின்வருவனவற்றை முன்வைத்துள்ளனர்.

வேலை நேரக் கட்டுப்பாடு: ஓய்வு நேரங்களை முன்கூட்டியே சரியாகத் திட்டமிடும் வசதி .

 பணிச்சுமையைக் குறைத்தல்: அதிகப்படியான பணிச்சுமையால் ஏற்படும் அழுத்தத்தைக் குறைத்தல்.

சந்தைக்கேற்ற ஊதியம்: தற்போதைய சந்தை நிலவரத்திற்கு ஏற்ப நியாயமான ஊதிய உயர்வு.  

விமானிகள் பற்றாக்குறை காரணமாகப் பணிச்சுமை அதிகரித்துள்ளதாகவும், இதனால் விமானிகளின் நலன் பாதிக்கப்படுவதாகவும் ஏரோபர்ஸ் சங்கம் சுட்டிக்காட்டியுள்ளது.