சுவிட்சர்லாந்து பொருளாதாரம் அசுர வளர்ச்சி: 5 ஆண்டுகளில் இல்லாத அளவுக்கு 1.5% உயர்வு!

சுவிட்சர்லாந்து நாட்டின் பொருளாதாரம் நடப்பு ஆண்டின் இரண்டாம் காலாண்டில் 1.5 சதவீதம் வளர்ச்சியடைந்துள்ளது. இது கடந்த ஐந்து ஆண்டுகளில் பதிவான மிக அதிவேக பொருளாதார வளர்ச்சி என அந்நாட்டு அரசு அதிகாரப்பூர்வமாக அறிவித்துள்ளது.

இந்த அதிரடி வளர்ச்சிக்கு நாட்டின் Chemical and Pharmaceutical sectors அசுர வளர்ச்சியே முதன்மையான காரணம் என்று சுவிஸ் கூட்டாட்சி பொருளாதார விவகாரங்கள் செயலகம் (SECO) தெரிவித்துள்ளது. உலகளவில் சுவிஸ் மருந்துப் பொருட்களுக்கான தேவை கணிசமாக அதிகரித்ததே இந்த பொருளாதார ஏற்றத்திற்கு வழிவகுத்துள்ளது.

கடந்த 2021-ஆம் ஆண்டிற்குப் பிறகு, சுவிட்சர்லாந்து பொருளாதாரம் ஒரே காலாண்டில் இத்தகைய வலுவான வளர்ச்சியைப் பதிவு செய்வது இதுவே முதல்முறையாகும். பணவீக்கம் மற்றும் உலகளாவிய பொருளாதார மந்தநிலைக்கு மத்தியிலும், சுவிஸ் நாட்டின் உற்பத்தித் துறை காட்டியுள்ள இந்த வளர்ச்சி பொருளாதார வல்லுநர்களை வியப்பில் ஆழ்த்தியுள்ளது.

மருந்துத் துறையின் இந்த ஏற்றுமதி வளர்ச்சி, நாட்டின் பிற உள்நாட்டு வணிகங்களுக்கும் புதிய புத்துணர்ச்சியை அளித்துள்ளதாக நிபுணர்கள் தெரிவிக்கின்றனர். இந்த சீரான வளர்ச்சியின் மூலம் நடப்பு நிதியாண்டின் எஞ்சிய காலாண்டுகளிலும் சுவிட்சர்லாந்தின் பொருளாதாரம் தொடர்ந்து வலுவான நிலையில் இருக்கும் என எதிர்பார்க்கப்படுகிறது.