சுவிஸ் கால்பந்து அணியின் கேப்டனுக்குத் தடை

33 வயதான சகா, சமூக வலைத்தளத்தில் வெளியிட்ட அறிக்கையில், அந்த காலகட்டத்தில் தடுப்பூசி தொடர்பாக அச்சமும் நிச்சயமற்ற நிலையும் தன்னை ஆட்கொண்டிருந்ததாகக் குறிப்பிட்டுள்ளார். தான் எடுத்த முடிவு தவறு என்றும், அதற்காக தற்போது வருத்தப்படுவதாகவும் அவர் தெரிவித்துள்ளார்.

இந்த வாரம் துருக்கியின் பெலெக் நகரில் நடைபெறும் சுவிட்சர்லாந்து அணியின் பயிற்சி முகாமில் இருந்து சகாவை விலக்குவது, இருதரப்பும் இணைந்து எடுத்த முடிவு என சுவிஸ் கால்பந்து சங்கம் தெரிவித்துள்ளது.

இதனிடையே, லூசேர்ன் அரசு வழக்கறிஞர் அலுவலகம் இந்த விவகாரம் தொடர்பாக குற்றவியல் விசாரணையைத் தொடங்கியுள்ளது.

சுவிட்சர்லாந்து அணி வடக்கு மாசிடோனியா மற்றும் ஸ்காட்லாந்து அணிகளுக்கு எதிராக அவற்றின் சொந்த மைதானங்களில் விளையாட உள்ளது. தொடர்ந்து, அக்டோபர் 3 மற்றும் 6ஆம் தேதிகளில் லூசேர்னில் ஸ்லோவேனியா மற்றும் வடக்கு மாசிடோனியா அணிகளை எதிர்கொள்கிறது.

இந்த நான்கு போட்டிகளுக்குப் பிறகு, கிரானிட் சகாவின் சர்வதேச அணிக்கான எதிர்காலம் குறித்து சுவிஸ் கால்பந்து சங்கம் மறுபரிசீலனை செய்யவுள்ளது.