சுவிஸ்-பிரான்ஸ் எல்லை நெரிசலுக்குத் தீர்வு: ஜெனிவாவில் நிதி ஒதுக்கீடு திட்டம் ஏற்பு!

சுவிட்சர்லாந்து மற்றும் பிரான்ஸ் எல்லைப் பிராந்தியத்தில் நாள்தோறும் பல்லாயிரக்கணக்கான வாகனங்கள் சென்று வருவதால் ஏற்படும் கடுமையான போக்குவரத்து நெரிசல் மற்றும் காற்று மாசுபாட்டைக் கட்டுப்படுத்த ஜெனிவா மாகாண அரசு புதிய திட்டத்தை முன்வைத்தது.  

இதன்படி, எல்லைக்கு அப்பால் உள்ள பிரான்ஸின் ஓட்-சவோய் (Haute-Savoie) மற்றும் ஏன் (Ain) ஆகிய பிராந்தியங்களில் பேருந்து முன்னுரிமைப் பாதைகள், பூங்கா மற்றும் பயண வசதிகள் (Park and Ride) மற்றும் டிராம் பாதைகளை விரிவாக்கம் செய்வது உள்ளிட்ட 12 திட்டங்களுக்கு கூட்டு நிதி வழங்க முடிவு செய்யப்பட்டது.  

இத்திட்டத்திற்குச் சுவிஸ் ஃபிராங்க் கணக்கில் 39.5 மில்லியன் நிதி ஒதுக்குவது தொடர்பாக நடைபெற்ற மக்கள் வாக்கெடுப்பில் (Referendum), 56.8 சதவீத வாக்காளர்கள் ஆதரவாக வாக்களித்து திட்டத்திற்குப் பச்சைக்கொடி காட்டியுள்ளனர்.