பட்டாசுக்குத் தடை கோரி சுவிஸில் மக்கள் வாக்கெடுப்பு: நவம்பர் 29-ல் தீர்மானிக்கும் சுவிஸ் வாக்காளர்கள்!

சுவிட்சர்லாந்தில் சத்தம் எழுப்பக்கூடிய தனியார் பட்டாசுகளின் விற்பனை மற்றும் பயன்பாட்டுக்குத் தடை விதிக்கக் கோரி கொண்டுவரப்பட்டுள்ள Fireworks Restriction Initiative மீது வரும் நவம்பர் 29 அன்று மக்கள் வாக்கெடுப்பு நடைபெறவுள்ளது.

சுற்றுச்சூழல் மாசுபாடு, அதிகப்படியான ஒலி மாசுபாடு, செல்லப்பிராணிகள் மற்றும் வனவிலங்குகளுக்கு ஏற்படும் பாதிப்புகள் ஆகியவற்றைக் சுட்டிக்காட்டி, இந்தத் தடையை உடனடியாக அமல்படுத்த வேண்டும் எனச் சுற்றுச்சூழல் அமைப்புகளும் ஆதரவாளர்களும் தீவிரப் பிரச்சாரத்தில் ஈடுபட்டு வருகின்றனர்.

இருப்பினும், "இந்தத் தடை அமலுக்கு வந்தால் சுவிட்சர்லாந்தின் பாரம்பரியக் கொண்டாட்ட கலாச்சாரம் மற்றும் தேசிய தின விழாக்கள் பெரும் பாதிப்புக்குள்ளாகும்" என இதைக் எதிர்ப்பாளர்கள் கவலை தெரிவித்துள்ளனர். பெரிய அளவிலான பொதுக் காட்சிப் பட்டாசுகளுக்கு விலக்கு அளிக்கப்பட்டாலும், தனிநபர் பயன்பாட்டிற்குத் தடை விதிப்பது மக்களின் உரிமையைப் பறிப்பதாகும் என்றும் அவர்கள் வாதிட்டு வருகின்றனர்.

சுவிஸ் அரசின் பொது வாக்கெடுப்பு நாள் நெருங்கி வரும் வேளையில், இந்த விவாதம் அங்குள்ள பொதுமக்கள் மற்றும் அரசியல் கட்சியினர் இடையே பெரும் பரபரப்பையும் காரசாரமான கருத்து மோதல்களையும் ஏற்படுத்தியுள்ளது.