மோசடி வழக்கில் சுவிஸ் 'ஸ்கீ' துணைத் தலைவர்: 2027 உலகச் சாம்பியன்ஷிப் தலைவருக்குச் சிக்கல்!

சுவிட்சர்லாந்தின் Valais மாகாணப் பொதுப்பாதுகாப்பு மற்றும் வழக்குத் தொடுநர் அலுவலகம் இந்த நடவடிக்கையை எடுத்துள்ளது. ஷ்மிட்ஹால்ட்டர் மற்றும் மற்றொரு நபர் இணைந்து, அப்பகுதியில் அவர்கள் நடத்திய பொறியியல் நிறுவனம் ஒன்றின் முன்னாள் வணிகப் பங்குதாரருக்குச் செலுத்த வேண்டிய பெருந்தொகையான பணிவிலகல் தொகையில் (severance payment) முறைகேடு செய்ததாகக் குற்றம் சாட்டப்பட்டுள்ளது.

நிறுவனத்திலிருந்து பங்குதாரர் ஒருவர் ஓய்வு பெறும் போது ஒப்பந்தத்தின்படி முழுத் தொகையையும் வழங்காமல், நிறுவனத்தின் லாபத்தைப் பிற நிறுவனங்களுக்கு மாற்றித் தொகையைக் குறைத்துக் காட்டியுள்ளதாக விசாரணையில் தெரியவந்துள்ளது. இதன் மூலம் சம்பந்தப்பட்ட முன்னாள் வணிகப் பங்குதாரருக்கு 3 லட்சம் சுவிஸ் ஃபிராங்குக்கும் அதிகமான இழப்பு ஏற்பட்டுள்ளதாகக் கூறப்படுகிறது.