நைஜீரியாவில் எபோலா தொற்றால் பாதிக்கப்பட்ட சுவிஸ் பெண்மணி சிறப்பு விமானம் மூலம் தாயகம் மீட்பு!

நைஜீரியாவிற்கான சுவிட்சர்லாந்து தூதரக ஊழியர் ஒருவரின் 42 வயதான மனைவிக்கு அண்மையில் எபோலா தொற்று இருப்பது உறுதி செய்யப்பட்டது. நைஜீரிய மருத்துவக் குழுவினர் அளித்த தீவிர சிகிச்சையின் காரணமாக, அவரது உடல்நிலை தற்சமயம் குறிப்பிடத்தக்க முன்னேற்றம் அடைந்து, சீராக இருப்பதாக நைஜீரிய சுகாதாரத் துறை அமைச்சர் தெரிவித்துள்ளார்.

எனினும், அவரும் நோய் அறிகுறிகள் எதுவும் இல்லாத அவரது கணவரும் சுவிட்சர்லாந்தில் தொடர் சிகிச்சை மற்றும் கண்காணிப்பில் இருப்பதற்காக, நைஜீரியா அரசு உலக சுகாதார நிறுவனத்துடன் (WHO) இணைந்து அவர்களைச் சிறப்பு விமானம் மூலம் சுவிட்சர்லாந்திற்கு அனுப்பி வைத்துள்ளது.