அகதிகள் விவகாரத்தில் இத்தாலி மீது சுவிட்சர்லாந்து குற்றச்சாட்டு!

ஐரோப்பிய ஒன்றியத்தின் 'டப்ளின் ஒப்பந்தத்தின்' படி, அகதிகள் ஐரோப்பாவிற்குள் முதன்முதலில் எந்த நாட்டில் காலடி வைக்கிறார்களோ, அந்த நாட்டிலேயே புகலிடம் கோர வேண்டும். இதன்படி, இத்தாலி வழியாகச் சுவிட்சர்லாந்திற்குள் நுழைந்த புகலிடம் கோருவோரை மீண்டும் இத்தாலிக்கே திருப்பி அனுப்பும் நடைமுறையைச் சுவிஸ் அரசு கடந்த ஆகஸ்ட் இறுதியில் மீண்டும் தொடங்கியது.

Dublin விதிமுறைகளின் கீழ் சட்டப்பூர்வமாகத் திருப்பி அனுப்பப்படும் அகதிகளை இத்தாலிய அதிகாரிகள் முறையாக ஏற்றுக்கொள்வதில்லை என்றும், இதற்கான நடைமுறைகளுக்கு இத்தாலி ஒத்துழைப்பு வழங்குவதில்லை என்றும் சுவிஸ் குடியேற்றத்துறை தெரிவித்துள்ளது.

ஐரோப்பிய நாடுகளுக்கு இடையிலான அகதிகள் மறுசீரமைப்பு ஒப்பந்தத்தை இத்தாலி தட்டிக்கழிப்பது, சுவிட்சர்லாந்தின் குடியேற்ற நிர்வாகத்தில் பெரும் நெருக்கடியை ஏற்படுத்தியுள்ளதாகச் சுட்டிக்காட்டப்பட்டுள்ளது.