சுவிட்சர்லாந்தின் புகழ்பெற்ற Rhône Glacier பனிக்குகை உடனடியாக மூட அரசு அதிரடி உத்தரவு!

புவி வெப்பமயமாதல் மற்றும் காலநிலை மாற்றத்தின் தீவிர தாக்கம் காரணமாக, சுவிட்சர்லாந்தின் உலகப் புகழ்பெற்ற சுற்றுலாத் தலமான Rhône Glacier பனிக்குகை உருகும் அபாயத்தை எதிர்நோக்கியுள்ளதால், அதனை உடனடியாக மூடுமாறு அந்நாட்டு அரசு உத்தரவிட்டுள்ளது.  

சுவிட்சர்லாந்தின் Valais மாகாணத்தில் உள்ள ஆல்ப்ஸ் மலைத்தொடரில் அமைந்துள்ள இந்த ரோன் பனிப்பாறை, பலநூறு ஆண்டுகள் பழமையான இயற்கை அதிசயங்களில் ஒன்றாகும். இதன் உள் பகுதியில் உருவாக்கப்பட்டுள்ள நீலநிற ஒளி வீசும் Ice Cave, ஆண்டுதோறும் உலகெங்கிலும் இருந்து வரும் ஆயிரக்கணக்கான சுற்றுலாப் பயணிகளைக் கவரும் முக்கியத் தலமாக விளங்கி வந்தது.

கடந்த சில ஆண்டுகளாக ஐரோப்பாவில் நிலவி வரும் கடும் வெப்ப அலை காரணமாக, இந்த பனிப்பாறை முன்னெப்போதும் இல்லாத வகையில் மிக வேகமாக உருகத் தொடங்கியுள்ளது. பனிப்பாறை சரிவு, பாறைகள் உருண்டு விழும் அபாயம் மற்றும் குகையின் கட்டமைப்பு பலவீனமடைந்துள்ளதால் பார்வையாளர்களின் பாதுகாப்புக்கு பெரும் அச்சுறுத்தல் ஏற்பட்டுள்ளது.  

மேலும், பனி உருகுவதைத் தடுக்க அதன் மீது போர்த்தப்பட்டிருந்த செயற்கைப் பிளாஸ்டிக் துணிகளால் சுற்றுச்சூழல் மாசுபாடு ஏற்படுவதாகக் எழுந்த புகார்களைத் தொடர்ந்து, அரசு இந்த தீவிர நடவடிக்கை எடுத்துள்ளது.  

பார்வையாளர்களின் உயிருக்குப் பாதுகாப்பு அற்ற சூழல் நிலவுவதாலும், இயற்கை அமைப்பைப் பாதுகாக்கும் நோக்கிலும் பனிக்குகையை உடனடியாக மூடுமாறு அரசு நிர்வாகம் உத்தரவிட்டுள்ளது. 

மனித செயல்பாடுகளாலும் புவி வெப்பமயமாதலாலும் இயற்கை அதிசயங்கள் அழியும் நிலைக்குத் தள்ளப்பட்டிருப்பது சர்வதேச அளவில் சுற்றுச்சூழல் ஆர்வலர்களிடையே பெரும் கவலையை ஏற்படுத்தியுள்ளது