சுவிட்சர்லாந்தின் Raiffeisen வங்கியின் அதிரடி நடவடிக்கை: செலவினத்தைக் குறைக்க 180 பணியிடங்களை நீக்கத் திட்டம்!

சுவிஸ் வங்கித் துறையில் முக்கியப் பங்கு வகிக்கும் ரைஃபிஸன் வங்கி, 2027-ஆம் ஆண்டிற்குள் சுமார் 60 மில்லியன் சுவிஸ் ஃபிராங்க் செலவுகளைக் குறைப்பதை இலக்காகக் கொண்டு ஒரு புதிய திறனாய்வுத் திட்டத்தை (Efficiency Programme) அறிவித்துள்ளது.

இந்த மறுசீரமைப்பு நடவடிக்கையின் மூலம் சுமார் 180 பணியிடங்கள் குறைக்கப்படவுள்ளன.

இருப்பினும், இந்த ஆட்குறைப்பில் பாதிக்கும் மேற்பட்டவை - காலியான பணியிடங்களை நிரப்பாமல் விடுவது, விருப்ப ஓய்வு (Early Retirement) மற்றும் ஒப்பந்தப் பணியாளர்களின் எண்ணிக்கையைக் குறைப்பது போன்ற வழிகளிலேயே மேற்கொள்ளப்படும் என வங்கி நிர்வாகம் தெரிவித்தது.