உலகளாவிய சவால்களைத் தகர்த்து சாதனை படைத்த சுவிட்சர்லாந்து தொழில்நுட்பத் துறை!

உலகளவில் நிலவும் அரசியல் கொந்தளிப்புகள் மற்றும் வர்த்தகச் சவால்களுக்கு மத்தியிலும், சுவிட்சர்லாந்தின் பொறியியல் மற்றும் தொழில்நுட்பத் துறை வீழ்ச்சியடையாமல் நிலையான வளர்ச்சியைப் பதிவு செய்து சாதனை படைத்துள்ளது.

சுவிட்சர்லாந்தின் இயந்திரவியல், மின்சார மற்றும் உலோகத் தொழில்துறை கூட்டமைப்பானSwissmem வெளியிட்டுள்ள புதிய அறிக்கையின்படி, இந்த ஆண்டின் முதல் பாதியில் நிறுவனங்களுக்கான புதிய Orders 12 சதவீதத்திற்கும் அதிகமாக உயர்ந்துள்ளன. 

சர்வதேச அளவில் விநியோகச் சங்கிலித் தடங்கல்கள் மற்றும் புவிசார் அரசியல் சவால்கள் நிலவினாலும், ஐரோப்பிய ஒன்றிய சந்தைகளில் ஏற்பட்ட தேவை அதிகரிப்பே இந்த வளர்ச்சிக்கு முக்கியக் காரணமாக அமைந்துள்ளது. 

இருப்பினும், சிறிய மற்றும் நடுத்தர நிறுவனங்களின் விற்பனையில் இன்னும் முழுமையான மீட்சி ஏற்படவில்லை என்றும், அமெரிக்க வர்த்தக வரிகள் மற்றும் ஆசிய சந்தைகளின் மந்தநிலை போன்ற அபாயங்கள் தொடர்வதாகவும் சுவிஸ்மெம் எச்சரித்துள்ளது.