மீண்டும் பாகிஸ்தான் பயணம் மேற்கொள்ளும் இலங்கை கிரிக்கெட் அணி!

பாகிஸ்தான் தனது வரவிருக்கும் உள்நாட்டுத் தொடரில், இலங்கை அணியுடன் இருதரப்பு டெஸ்ட் மற்றும் டி20 சர்வதேசத் தொடர்களில் மோதவுள்ளது.

அத்துடன், ஒக்டோபர் மற்றும் நவம்பர் மாதங்களில் இங்கிலாந்து அணியையும் உள்ளடக்கிய முத்தரப்பு ஒருநாள் தொடரிலும் இவ்விரு அணிகளும் பங்கேற்கவுள்ளன.

ராவல்பிண்டியில் நடைபெறவுள்ள மூன்று போட்டிகள் கொண்ட டி20 சர்வதேசத் தொடருடன் இந்தப் போட்டிகள் தொடங்குகிறது.

2026 டி20 உலகக் கிண்ணத்துக்குப் பிறகு பாகிஸ்தான் இப்போட்டி வடிவில் பங்கேற்கும் முதல் நிகழ்வு இதுவாகும்.

இந்த மூன்று டி20 போட்டிகளும் ஒக்டோபர் 9, 11 மற்றும் 13 ஆகிய திகதிகளில் நடைபெறும்.

அதனைத் தொடர்ந்து ஐந்து நாட்கள் கழித்து, அதே மைதானத்தில் நடைபெறவுள்ள முத்தரப்புத் தொடரின் தொடக்கப் போட்டியில் இவ்விரு அணிகளும் மோதவுள்ளன.

இந்த முத்தரப்புத் தொடர் ‘டபுள்-ரவுண்ட்-ரோபின்’ (double-round-robin) முறையில் நடைபெறும்.

இதில் முதல் இரண்டு இடங்களைப் பிடிக்கும் அணிகள் ஒக்டோபர் 31 அன்று லாகூரில் நடைபெறும் இறுதிப் போட்டியில் மோதும்.

ராவல்பிண்டியில் ஒக்டோபர் 20 மற்றும் 22 ஆகிய திகதிகளில் இங்கிலாந்து அணி பாகிஸ்தான் மற்றும் இலங்கை அணிகளை எதிர்கொள்ளும் என எதிர்பார்க்கப்படுகிறது.