தொழில்நுட்பக் காரணங்களால் 'டைட்டானிக்' ரீ-ரிலீஸ் பிற்போடு: தயாரிப்புக் குழு தகவல்!

ஹாலிவுட் இயக்குனர் ஜேம்ஸ் கேமரூனின் இயக்கத்தில் வெளியாகி உலகளவில் வசூல் சாதனை படைத்த இத்திரைப்படம், நவீன தொழில்நுட்ப வசதிகளுடன் (4K / 3D) மேம்படுத்தப்பட்டு மீண்டும் பிரம்மாண்டமாக திரையிட திட்டமிடப்பட்டிருந்தது. ரசிகர்கள் மத்தியில் பெரும் எதிர்பார்ப்பு நிலவிய நிலையில், இந்த வெளியீட்டுத் திகதி தற்போது பிற்போடப்பட்டுள்ளது.

தொழில்நுட்பப் பணிகள் இன்னும் முழுமையாக நிறைவடையாததே இந்தத் தாமதத்திற்குக் காரணம் எனத் தெரிவிக்கப்படுகின்றது. திரைப்படத்தின் காட்சி அனுபவத்தை சர்வதேசத் தரத்தில் ரசிகர்களுக்குக் கொண்டு சேர்ப்பதற்காக மேலதிக காலம் தேவைப்படுவதாக படக்குழுவினர் சுட்டிக்காட்டியுள்ளனர்.

புதிய வெளியீட்டுத் திகதி விரைவில் உத்தியோகபூர்வமாக அறிவிக்கப்படும் என எதிர்பார்க்கப்படும் நிலையில், திரை உலகச் செய்திகளுக்காகக் காத்திருந்த ரசிகர்கள் ஏமாற்றமடைந்துள்ளனர்.