சுவிட்சர்லாந்தில் சோகம்: Ticino மாகாணத்தில் வேட்டையாடச் சென்ற இருவர் விபத்துகளில் சிக்கி உயிரிழப்பு!

"டிசினோ மாகாண மலைப் பகுதிகளில் வேட்டைப் பருவத்தையொட்டி வேட்டைக்குச் சென்ற இருவர், செங்குத்தான மலைப் பகுதிகளிலிருந்து தவறி விழுந்து உயிரிழந்துள்ளதாக மாநிலக் காவல்துறை தெரிவித்துள்ளது. 

முதல் விபத்து, Biasca பகுதிக்கு அருகே 'ரியாலே கிரெனோன்' (Riale Crenone) ஆற்றின் கரையோரம் சுமார் 700 மீட்டர் உயரத்தில் நிகழ்ந்தது.

அங்கு வேட்டையாடிக் கொண்டிருந்த 69 வயதான சுவிஸ் நாட்டின் குடிமகன் ஒருவர், எதிர்பாராதவிதமாக மலையிலிருந்து கீழே விழுந்தார். 'ரெகா' (Rega) ஹெலிகாப்டர் மீட்புக் குழுவினர் சம்பவ இடத்திற்கு விரைந்து தீவிர முதலுதவி சிகிச்சை அளித்தபோதிலும், அவர் சிகிச்சை பலனின்றி உயிரிழந்தார்.

 அதே நாளில் நிகழ்ந்த மற்றொரு சம்பவத்தில், 54 வயதான மற்றொரு சுவிஸ் நாட்டவர் (Val della Porta மலைப்பகுதியில் காணாமல் போனதாகக் காவல் நிலையத்திற்குத் தகவல் கிடைத்தது.

 உடனடியாகத் தொடங்கப்பட்ட தேடுதல் வேட்டையின் முடிவில், சுமார் 1,450 மீட்டர் உயரத்தில் அவர் பலியான நிலையில் கண்டெடுக்கப்பட்டார். அவரும் வேட்டையாடும்போது மலையிலிருந்து கீழே விழுந்திருக்கலாம் என முதற்கட்ட விசாரணையில் தெரியவந்துள்ளது.