வெளிநாட்டு வங்கியுடன் இணைவது குறித்து UBS பரிசீலனை?

அமெரிக்காவின் Semafor ஊடகம், பெயர் குறிப்பிடப்படாத ஆதாரங்களை மேற்கோள் காட்டி இந்த தகவலை வெளியிட்டுள்ளது. Morgan Stanley, Deutsche Bank மற்றும் Standard Chartered ஆகியவை சாத்தியமான இணைப்பு பங்காளிகளாக செய்தியில் குறிப்பிடப்பட்டுள்ளன.

இந்த தகவல் வெளியானதைத் தொடர்ந்து, வெள்ளிக்கிழமை சுவிஸ் பங்குச் சந்தையில் UBS பங்குகள் 3 சதவீதத்துக்கும் அதிகமாக உயர்ந்தன.

இதற்கிடையில், சுவிஸ் நாடாளுமன்றத்தின் மேலவையான நாடுகள் சபை, UBS-ன் வெளிநாட்டு துணை நிறுவனங்களுக்கு 90 சதவீத CET1 மூலதன ஆதரவு தேவைப்படும் விதிமுறைக்கு ஆதரவளித்துள்ளது. இதனால் சுமார் 16 பில்லியன் அமெரிக்க டொலர் கூடுதல் CET1 மூலதனம் தேவைப்படும் என UBS தெரிவித்துள்ளது.

UBS இந்த இணைப்பு மற்றும் தலைமையக மாற்றம் தொடர்பான தகவல்கள் குறித்து கருத்து தெரிவிக்க மறுத்துள்ளது. முன்னதாகவும் இதுபோன்ற தகவல்கள் வெளியான நிலையில், UBS தலைமை நிர்வாக அதிகாரி செர்ஜியோ எர்மோட்டி, தலைமையகம் சுவிட்சர்லாந்திலேயே இருக்கும் என தெரிவித்திருந்தார்.