அமெரிக்க ஓபன் டென்னிஸ்: சபலென்கா, ஸ்வியாடெக் முதல் சுற்றில் அபார வெற்றி!

நடப்பு ஆண்டின் கடைசி கிராண்ட்ஸ்லாம் தொடரான அமெரிக்க ஓபன் டென்னிஸ் போட்டிகள் நியூயார்க் நகரில் விறுவிறுப்பாகத் தொடங்கி நடைபெற்று வருகின்றன. இதில் மகளிர் ஒற்றையர் பிரிவின் முதல் சுற்று ஆட்டங்களில் உலகின் முன்னணி வீராங்கனைகளான அரினா சபலென்கா மற்றும் இகா ஸ்வியாடெக் ஆகியோர் வெற்றி பெற்று அடுத்த சுற்றுக்கு முன்னேறியுள்ளனர்.

பெலாரஸ் நாட்டின் உலகின் 2-ஆம் நிலை வீராங்கனையான அரினா சபலென்கா, தனது முதல் சுற்றில் ஆஸ்திரேலியாவின் பிரிசில்லா ஹானை எதிர்கொண்டார். ஆரம்பம் முதலே ஆதிக்கம் செலுத்திய சபலென்கா, 6-3, 6-3 என்ற நேர் செட்களில் எளிதில் வெற்றி பெற்றார்.

மற்றொரு ஆட்டத்தில், உலகின் முதல் நிலை வீராங்கனையான போலந்தின் இகா ஸ்வியாடெக், ரஷ்யாவின் கமி்ல்லா ரகீமோவாவை எதிர்கொண்டார். இதில் ஸ்வியாடெக் 6-4, 7-6 (8/6) என்ற கணக்கில் போராடி வெற்றி பெற்று இரண்டாம் சுற்றுக்குத் தகுதி பெற்றார்.

இரு முன்னணி வீராங்கனைகளும் தங்களது முதல் போட்டியை வெற்றியுடன் தொடங்கியிருப்பது டென்னிஸ் ரசிகர்களிடையே பெரும் எதிர்பார்ப்பை ஏற்படுத்தியுள்ளது.