விஜய் சேதுபதியின் ‘பத்தா’ டிரெய்லர் வெளியானது: மாஸ், காமெடி கூட்டணியில் அசத்தல்!

‘நடுவுல கொஞ்சம் பக்கத்த காணோம்’ படத்திற்குப் பிறகு விஜய் சேதுபதி - பாலாஜி தரணீதரன் கூட்டணி மீண்டும் இணைந்திருப்பதால், இப்படத்தின் மீது ரசிகர்கள் மத்தியில் ஆரம்பம் முதலே மிகுந்த எதிர்பார்ப்பு நிலவி வந்தது. இந்த திரைப்படத்தை பிரபல இயக்குநர் அட்லீ தயாரித்துள்ளார்.

ஊரெல்லாம் பயப்படும் அளவுக்குப் பலக் கதைகளும் வதந்திகளும் உலாவுமளவு மாஸான தோற்றத்திலும், வீட்டிற்குள் மனைவி மற்றும் குழந்தையிடம் அமைதியான குடும்பஸ்தனாகவும் விஜய் சேதுபதி இரு வேறு பரிமாணங்களில் அசத்தியுள்ளார். 

பயமுறுத்தும் ரவுடி போலச் சித்தரிக்கப்பட்டாலும், நகைச்சுவை மற்றும் குடும்பக் காட்சிகளுக்கு அதிக முக்கியத்துவம் கொடுக்கப்பட்டிருப்பது டிரெய்லரின் மூலம் தெரியவருகிறது.  இப்படத்தில் நடிகை லிஜோமோல் ஜோஸ் கதாநாயகியாக நடித்துள்ளார். 

இளம் இசையமைப்பாளர் சாய் அபயங்கர் இப்படத்திற்கு இசையமைத்துள்ளார்.  ரசிகர்களின் பெரும் எதிர்பார்ப்புக்கு மத்தியில் உருவாக்கப்பட்டுள்ள ‘பத்தா’ திரைப்படம் வரும் அக்டோபர் 1-ஆம் தேதி உலகளவில் திரையரங்குகளில் வெளியாகவுள்ளது.