"உங்களை ரொம்ப மிஸ் பண்ணோம்!" கூகுள் விளம்பரத்தில் BTS கொடுத்த சர்ப்ரைஸ், திணறும் ARMY ரசிகர்கள்!

உலகப் புகழ்பெற்ற தென்கொரிய இசைக் குழுவான BTS, Google Gemini விளம்பரத்தில் தோன்றி இந்திய ரசிகர்களுக்கு வாழ்த்து தெரிவித்துள்ளதைத் தொடர்ந்து, இந்தியாவில் அவர்களின் இசை நிகழ்ச்சி நடைபெறலாம் என்ற எதிர்பார்ப்பு மீண்டும் தீவிரமடைந்துள்ளது.  

கூகுள் இந்தியா தனது சமூக வலைத்தள பக்கத்தில் வெளியிட்டுள்ள புதிய விளம்பர வீடியோவில், BTS உறுப்பினர்களான RM, Jin, Suga, J-Hope, Jimin, V மற்றும் Jungkook ஆகியோர் Google Gemini AI தொழில்நுட்பத்தைப் பயன்படுத்தும் காட்சிகள் இடம் பெற்றுள்ளன.  

இந்த விளம்பரத்தின் முக்கிய அம்சமாக, BTS உறுப்பினர்கள் இந்தியில் "நமஸ்தே இந்தியா! எப்படி இருக்கீங்க? நாங்க உங்களை ரொம்ப மிஸ் பண்ணோம்!" (Namaste India! Kaise hain aap sab? Humne aapko miss kiya!) என்று பேசியுள்ளனர். 

அத்துடன், இந்தியாவில் இசை நிகழ்ச்சி நடத்தினால் எந்த நகரத்திற்குச் செல்லலாம் எனப் பேசி, 'மும்பை' நகரைக் குறிப்பிட்டிருப்பது இந்திய ARMY ரசிகர்களிடையே பெரும் உற்சாகத்தை ஏற்படுத்தியுள்ளது.  

ஏற்கனவே BTS குழுவினர் தங்கள் உலகளாவிய இசைப் பயணத் திட்டங்களில் ஈடுபட்டு வரும் வேளையில், இந்த விளம்பரம் இந்தியாவில் அவர்களின் முதல் இசை நிகழ்ச்சி குறித்த நேரடி அறிகுறியாக இருக்கலாம் என சமூக வலைத்தளங்களில் விவாதிக்கப்பட்டு வருகிறது. இருப்பினும், இது தொடர்பாக உத்தியோகபூர்வ அறிவிப்புகள் எதுவும் இதுவரை வெளியாகவில்லை.