வெப்ப அலைகளை எதிர்கொள்ளும் சூரிச்: தார்ச் சாலைகளை அகற்றி மரங்களை நடும் தீவிர நடவடிக்கை!

சுவிட்சர்லாந்தின் பல்வேறு நகரங்களில் செப்டம்பர் மாத இறுதியில் அசாதாரண வெப்ப அலை பதிவாகி வரும் நிலையில், நகர்ப்புற பகுதிகளில் நிலவும் அதிகப்படியான வெப்பத்தைக் குறைக்கும் 'கடற்பாசி நகரம்' (Sponge City) கருத்தாக்கத்தை நோக்கிச் சூரிச் நகரம் வேகமாக நகர்ந்து வருகிறது.

இதன்படி, நகரின் கான்கிரீட் கட்டிடங்கள் மற்றும் தார் பூசப்பட்ட வீதிகள், மைதானங்கள் ஆகியவற்றை அகற்றிவிட்டு, அவ்விடங்களில் நிழல் தரும் பெரிய மரங்களை நடுதல் மற்றும் திறந்தவெளி பசுமைப் பூங்காக்களை உருவாக்கும் பணிகள் முடுக்கிவிடப்பட்டுள்ளன.

இந்த நடவடிக்கையின் மூலம் மழைநீரை பூமிக்குள் நேரடியாக உறிஞ்சச் செய்து, நிலத்தடி நீரை அதிகரிப்பதுடன், கோடைகாலத்தில் நகரத்தின் சராசரி வெப்பநிலையைக் குறிப்பிடத்தக்க அளவில் குறைக்க முடியும் எனச் சூரிச் நகரச் சுற்றுச்சூழல் வல்லுநர்கள் தெரிவித்துள்ளனர்.