சூரிச் ரேன்சம்வேர் வழக்கு: சிக்கலில் உக்ரைன் மென்பொருள் வல்லுநர்

பல நிறுவனங்களின் கணிணி அமைப்புகளை முடக்கி, மில்லியன் கணக்கிலான சுவிஸ் பிராங்குகளை இழப்பீடு மற்றும் மீட்புத்தொகையாகப் பெற முயன்றதாக இந்த உக்ரைன் மென்பொருள் உருவாக்குநர் மீது குற்றம் சாட்டப்பட்டுள்ளது. இவர் 2021 அக்டோபர் முதல் காவலில் வைக்கப்பட்டுள்ளார்.

சூரிச் தலைமை வழக்கறிஞர் அலுவலகம், குற்றம் சாட்டப்பட்டவருக்கு 12 ஆண்டுகள் சிறைத்தண்டனையுடன், தண்டனை காலத்திற்குப் பிறகு 12 ஆண்டுகள் சுவிட்சர்லாந்தை விட்டு வெளியேற்றவும் (Deportation) கோரிக்கை விடுத்துள்ளது. 

ஆனால், நீதிமன்றத்தில் தன் மீதான குற்றச்சாட்டுகளை மறுத்த அந்த மென்பொருள் உருவாக்குநர், தான் எந்தவொரு தீங்கிழைக்கும் மென்பொருளையும் (Malware) உருவாக்கவோ அல்லது ஹேக்கிங் தாக்குதல்களில் ஈடுபடவோ இல்லை என்று தெரிவித்தார். தான் ஒரு தகவல் தொழில்நுட்ப பாதுகாப்பு ஆலோசகராகவே பணியாற்றியதாகக் குறிப்பிட்டுள்ளார். 

 எதிர்த்தரப்பு வழக்கறிஞர்கள் டிஜிட்டல் ஆதாரங்களின் நம்பகத்தன்மையைக் கேள்விக்குள்ளாக்கியதுடன், வழக்கை மேலும் ஆராய கூடுதல் ஆவணங்களை பரிசீலிக்க வேண்டும் என வலியுறுத்தியுள்ளனர்.இந்த வழக்கின் இறுதித் தீர்ப்பு விரைவில் வழங்கப்படும் என எதிர்பார்க்கப்படுகிறது.