சுவிட்சர்லாந்து மீது 12.5% புதிய வரி: அமெரிக்கா அதிரடி எச்சரிக்கை!

Forced Labor மூலம் தயாரிக்கப்பட்டு இறக்குமதி செய்யப்படும் பொருட்களுக்கு எதிராக நடவடிக்கை எடுக்கும் வகையில், சுவிட்சர்லாந்து நாட்டிலிருந்து இறக்குமதி செய்யப்படும் பொருட்கள் மீது 12.5 சதவீதம் வரை புதிய கூடுதல் வரிகளை விதிக்கப்போவதாக அமெரிக்கா எச்சரிக்கை விடுத்துள்ளது.

அமெரிக்க வர்த்தகச் சட்டம் பிரிவு 301-ன் (Section 301) கீழ் இந்த அதிரடி நடவடிக்கை எடுக்கப்பட்டுள்ளதாகக் குறிப்பிடப்பட்டுள்ளது. சுவிட்சர்லாந்து நாட்டின் Supply Chain கட்டாய உழைப்பைக் கட்டுப்படுத்த போதுமான கடுமையான சட்டங்கள் இல்லை என்பதே அமெரிக்காவின் முதன்மை குற்றச்சாட்டாகும்.

அமெரிக்காவின் இந்தக் குற்றச்சாட்டை சுவிட்சர்லாந்து அரசும், அந்நாட்டின் முதன்மை வணிக அமைப்பான Economiesuisse நிறுவனமும் முற்றிலுமாக மறுத்துள்ளன.

சுவிஸ் நாட்டின் அரசியலமைப்பிலேயே கட்டாய உழைப்பு முற்றிலும் தடை செய்யப்பட்டுள்ளதாகவும், சுவிஸ் ஏற்றுமதிப் பொருட்களில் இதுபோன்ற சட்டவிரோத உழைப்புகள் பயன்படுத்தப்பட்டதற்கு எந்தவித ஆதாரமும் இல்லை என்றும் சுவிட்சர்லாந்து தரப்பில் தெரிவிக்கப்பட்டுள்ளது.

இந்த 12.5% கூடுதல் வரி அமலுக்கு வந்தால், ஐரோப்பிய யூனியனின் பிற நாடுகளை விட சுவிட்சர்லாந்து நிறுவனங்களுக்கு பெரும் நிதிச் சுமை ஏற்படுவதுடன், சர்வதேச வர்த்தகப் போட்டியிலும் பின்னடைவு ஏற்படும் என பொருளாதார வல்லுநர்கள் எச்சரிக்கின்றனர்.

இருப்பினும், இந்த வர்த்தகப் பதற்றத்தைத் தணித்து, சுமூகத் தீர்வை எட்ட இரு நாடுகளுக்கு இடையே தூதரக ரீதியிலான பேச்சுவார்த்தைகள் தீவிரமாக நடைபெற்று வருகின்றன.