இந்தியாவின் கேரளாவில் தாத்தாவை கொலை செய்த 13 வயது பேத்தி : காதலன் உட்பட 4 சிறுவர்கள் கைது!

ஆகஸ்ட் 17ஆம் திகதி, ஆலப்புழாவில் உள்ள அவரது வீட்டில் கை, கால்கள் துணியால் கட்டப்பட்ட நிலையில் இம்முதியவரின் சடலம் கண்டெடுக்கப்பட்டது. 

சம்பவத்தின்போது, பேத்தியின் தாய் பிரசவத்துக்காக மருத்துவமனையில் அனுமதிக்கப்பட்டிருந்ததாலும், பாட்டியும் தாயுடன் சென்றிருந்ததாலும் முதியவர் வீட்டில் தனியாக இருந்துள்ளார்.

உறவினர்களிடம் பொலிஸார் மேற்கொண்ட விசாரணையின்போது, 13 வயது பேத்தியின் வாக்குமூலத்தில் முரண்பாடுகள் காணப்பட்டதால், ஆலப்புழா மாவட்ட காவல் கண்காணிப்பாளர் தலைமையிலான பொலிஸார் சிறுமியிடம் தனியாக விசாரணை நடத்தினர். அதில், அவரே திட்டமிட்டுக் கொலையை ஒருங்கிணைத்ததை ஒப்புக்கொண்டார்.

சிறுமி வீட்டிலிருந்தபடியே திட்டமிட, அவரது காதலன் மற்றும் நண்பர்கள் இருவரும் வீட்டின் பின்புற காற்றோட்டப் பாதை வழியாக உள்ளே நுழைந்து, முதியவரை கொலை செய்துள்ளனர்.

பின்னர் அங்கிருந்த தங்க நகைகளைக் கொள்ளையடித்துச் சென்றுள்ளனர். அவ்விதமாக, திருடிய நகைகளில் 4.5 பவுன் நகைகளை குறித்த சிறுவர்களின் வீடுகள் மற்றும் அடகுக் கடைகளில் இருந்து பொலிஸார் மீட்டுள்ளனர்.