15 ஆண்டுகால வரலாற்றுப் பயணம் நிறைவு: Apple தலைமைச் செயல் அதிகாரி பொறுப்பிலிருந்து Tim Cook ஓய்வு!

உலகின் முன்னணி தொழில்நுட்ப நிறுவனமான Apple அமைப்பின் தலைமைச் செயல் அதிகாரி (CEO) பதவியிலிருந்து Tim Cook விலகுவதாக அதிகாரப்பூர்வமாக அறிவிக்கப்பட்டுள்ளது. ஸ்டீவ் ஜோப்ஸுக்குப் பிறகு Apple நிறுவனத்தை புதிய உயரத்திற்கு கொண்டு சென்ற அவரது 15 ஆண்டுகால வரலாற்றுச் சிறப்புமிக்க பயணம் நிறைவுக்கு வந்துள்ளது.

கடந்த 2011 ஆம் ஆண்டு Apple நிறுவனத்தின் நிறுவனரான ஸ்டீவ் ஜோப்ஸின் மறைவுக்குப் பிறகு, அந்நிறுவனத்தின் தலைமைச் செயல் அதிகாரியாக Tim Cook பொறுப்பேற்றார். அன்றிலிருந்து இன்று வரை சுமார் 15 ஆண்டுகளாக ஆப்பிள் நிறுவனத்தை வெற்றிகரமாக வழிநடத்தி வந்த அவர், தற்போது தனது பதவியை ராஜினாமா செய்ய தீர்மானித்துள்ளார்.

Tim Cookகின் தலைமையின் கீழ், ஆப்பிள் நிறுவனம் 1 டிரில்லியன், 2 டிரில்லியன் மற்றும் 3 டிரில்லியன் டாலர் சந்தை மதிப்பை எட்டிய உலகின் முதல் நிறுவனம் என்ற வரலாற்றுச் சாதனைகளைப் படைத்தது.

Apple Watch, AirPods மற்றும் Apple Vision Pro போன்ற புரட்சிகரமான புதிய தயாரிப்புகள் இவரது காலக்கட்டத்திலேயே அறிமுகப்படுத்தப்பட்டன. அதுமட்டுமன்றி, உற்பத்தித் துறையில் சுற்றுச்சூழல் பாதுகாப்பு மற்றும் மறுசுழற்சி முறைகளுக்கும் அவர் முக்கியத்துவம் அளித்தார்.

தனது விலகல் குறித்து கருத்து தெரிவித்துள்ள Tim Cook , "Apple நிறுவனத்தை வழிநடத்தியது எனது வாழ்நாளின் மிகப்பெரிய கௌரவம். திறமையான புதிய தலைமுறையினரிடம் பொறுப்பை ஒப்படைக்க இதுவே சரியான தருணம்" எனத் தெரிவித்துள்ளார்.

Tim Cookகின் இந்த திடீர் அறிவிப்பைத் தொடர்ந்து, ஆப்பிள் நிறுவனத்தின் அடுத்த தலைமைச் செயல் அதிகாரி (CEO) யார் என்பது குறித்த எதிர்பார்ப்பு சர்வதேச தொழில்நுட்ப உலகத்தில் உச்சத்தை எட்டியுள்ளது.