திபெத்தில் சீனா கட்டும் மெகா அணை: இந்தியாவின் நீர் பாதுகாப்பிற்கு அச்சுறுத்தல்!

திபெத்தில் உள்ள யார்லுங் சாங்போ (பிரம்மபுத்திரா) நதியில் சீனா பிரமாண்ட அணையைக் கட்டி வருகிறது. இந்நிலையில், திபெத்திய பீடபூமியின் வெப்பநிலை சர்வதேச சராசரியை விட இரு மடங்கு வேகமாக அதிகரித்து வருவதால், பனிக்கட்டிகள் வேகமாக உருக வாய்ப்புள்ளதாக சீன அறிவியல் அகாடமியின் ஆராய்ச்சியாளர்கள் தெரிவித்துள்ளனர்.  

இந்தச் சூழலில் அணை கட்டப்பட்டால், நதியின் இயற்கை ஓட்டத்தில் பெரும் மாற்றம் ஏற்பட்டு, இந்தியாவின் வடகிழக்கு மாநிலங்களில் வழக்கத்திற்கு மாறான கனவெள்ளமும், அதே நேரத்தில் சில காலங்களில் கடுமையான வறட்சியும் ஏற்படும் அபாயம் உள்ளதாக ஆய்வாளர்கள் சுட்டிக்காட்டியுள்ளனர்.

எல்லை தாண்டி பாயும் நதியின் ஓட்டத்தை சீனா கட்டுப்படுத்துவது, இந்தியாவின் நீர் பாதுகாப்பிற்கும் வடகிழக்கு மாநிலங்களின் நிலப்பரப்பிற்கும் மிகப்பெரிய அச்சுறுத்தலாக உருவெடுத்துள்ளது.