இந்தியாவின் பொருளாதார வளர்ச்சியை வேகப்படுத்த 20,804 கோடியில் ரயில்வே உள்கட்டமைப்பு விரிவாக்கம் !

இந்திய பிரதமர் நரேந்திர மோடி தலைமையில் நடைபெற்ற மத்திய அமைச்சரவையின் பொருளாதார விவகாரங்களுக்கான கூட்டத்தில், ஒன்பது மாநிலங்களை உள்ளடக்கிய 8 புதிய ரயில்வே வழித்தட விரிவாக்கத் திட்டங்களுக்கு ரூ.20,804 கோடி நிதி ஒதுக்கீடு செய்யப்பட்டுள்ளது.

தென்னக அளவில் அரக்கோணம்–ரேணிகுண்டா, ஓசூர்–ஓமலூர் , சேலம்–கரூர்–திண்டுக்கல் போன்ற இடங்களில் 3 மற்றும் 4-வது வழித்தடம், இரட்டை ரயில் பாதை உள்ளிட்ட முக்கிய திட்டங்கள் தீவிரப்படுத்தப்பட உள்ளன.

 சுமார் 1,196 கிலோமீட்டர் தொலைவிலான இந்தப் புதிய ரயில்வே வழித்தட விரிவாக்கத்தின் மூலம் பயணிகள் இரயில்களின் வேகம் அதிகரிப்பதோடு, நிலக்கரி, சிமெண்ட் மற்றும் அத்தியாவசியப் பொருட்களின் சரக்கு போக்குவரத்தும் வேகமெடுக்க உள்ளதாகவும் தெரிவிக்கப்பட்டுள்ளது.