Zolischlück பள்ளத்தாக்கில் சிக்கிய 3 பேர் ஹெலிகாப்டர் மூலம் பத்திரமாக மீட்பு!

சுமார் 50 மீட்டர் ஆழமும், சில இடங்களில் 2 மீட்டர் மட்டுமே அகலமும் கொண்ட அந்தப் பள்ளத்தாக்கில் ஹெலிகாப்டர் பைலட்டுக்கு அடியில் உள்ள காட்சிகளை நேரடியாகப் பார்க்க முடியாத நிலை ஏற்பட்டது.

ஆயினும், 50 மீட்டர் நீளக் கயிறு மூலம் பள்ளத்தாக்கிற்குள் இறங்கிய மீட்புப் பணியாளரின் ரேடியோ வழிகாட்டுதலை மட்டுமே நம்பி, பைலட் ஹெலிகாப்டரை மிகத் துல்லியமாக இயக்கிச் சாதனை படைத்துள்ளார். 

நீண்ட தேடுதலுக்குப் பின் ஒரு பெரிய பாறைக்கு அடியில் தஞ்சமடைந்திருந்த மூவரும் மீட்கப்பட்டு நீடர்கெஸ்டெல்ன் பகுதிக்கு அழைத்து வரப்பட்டனர். நல்வாய்ப்பாக மூவருக்கும் எந்தக் காயமும் ஏற்படவில்லை. 

மலைப் பகுதிகள் மற்றும் பள்ளத்தாக்குகளுக்குச் செல்பவர்கள், வானிலை மாறுபாடுகளை முன்கூட்டியே அறிந்து எச்சரிக்கையுடன் இருக்குமாறு சுவிஸ் அதிகாரிகள் கேட்டுக்கொண்டுள்ளனர்.