40 ஆண்டுகால வரலாற்றுப் பயணம் நிறைவு: உருகி கரைகிறது உலகின் மிகப்பெரிய 'A23a' பனிப்பாறை!

உலகின் மிகப்பாரிய பனிப்பாறையாக அறியப்பட்ட 'A23a', தனது 40 ஆண்டுகால வரலாற்றுப் பயணத்தை நிறைவு செய்து, கடல் நீரில் உருகி மறையும் நிலையை எட்டியுள்ளது.

அந்தார்டிகாவில் இருந்து கடந்த 1986-ஆம் ஆண்டு உடைந்து தனியாகப் பிரிந்த 'A23a' என்ற பனிப்பாறை, சுமார் 4,000 சதுர கிலோமீட்டர் பரப்பளவைக் கொண்டு உலகின் மிகப்பெரிய பனிப்பாறையாகக் கருதப்பட்டது.

சுமார் நான்கு தசாப்தங்களாகப் பெருங்கடலில் மிதந்து வந்த இந்த மெகா பனிப்பாறை, அண்மைக்காலமாக வெப்ப மண்டலக் கடல் பகுதிகளை நோக்கி நகரத் தொடங்கியது. தெற்கு அட்லாண்டிக் பெருங்கடலின் வெதுவெதுப்பான நீர் மற்றும் வெப்பமான காலநிலை காரணமாக, இந்த பனிப்பாறை தற்போது வேகமாக உருமாறி, சிறு சிறு துண்டுகளாக உடைந்து கரையத் தொடங்கியுள்ளது.

சுமார் 1 டிரில்லியன் டன்னிற்கும் அதிகமான எடையைக் கொண்டிருந்த இந்த பனிப்பாறை, உருகி வரும் நிலையில் அதில் சேமிக்கப்பட்டிருந்த பெருமளவிலான தாதுக்கள் கடல்நீரில் கலந்து அட்லாண்டிக் பெருங்கடலின் சூழலியலில் முக்கிய மாற்றங்களை ஏற்படுத்தி வருகின்றன.

புவி வெப்பமயமாதலின் தீவிரத்தை உலகிற்கு உணர்த்தும் மற்றொரு சான்றாக அமைந்துள்ள A23a பனிப்பாறையின் இந்த முடிவு, சர்வதேச சுற்றுச்சூழல் மற்றும் பருவநிலை ஆராய்ச்சியாளர்களிடையே பெரும் கவனத்தைப் பெற்றுள்ளது.