பாலிவுட் நடிகர் இம்ரான் கான் உட்பட 400 பேர் தடுப்புக் காவலில்!

தேர்தல் முறைகேடு குற்றச்சாட்டுகள் மற்றும் வாக்காளர் பட்டியல் சீரமைப்பு தொடர்பாக நடத்தப்பட்ட போராட்டத்திற்கு ஆதரவு தெரிவிக்கவே இவர்கள் ஒன்று திரண்டனர்.

பொலிஸாரால் அழைத்துச் செல்லப்படுவதற்கு முன்பாக ஊடகங்களிடம் பேசிய நடிகர் இம்ரான் கான், "நான் எந்த அமைப்பின் சார்பாகவும் இங்கு வரவில்லை; ஒரு சாதாரண குடிமகனாக, மக்களின் குரல் ஒடுக்கப்படுவது ஏன் என்பதை அறியவே வந்துள்ளேன்" என்று தெரிவித்தார்.  

போராட்டம் நடத்த அனுமதி மறுக்கப்பட்டிருந்த நிலையில், விதிகளை மீறி ஒன்று திரண்டதால் பாதுகாப்பு கருதி இம்ரான் கான், காந்தியவாதி துஷார் காந்தி உட்பட சுமார் 400 பேரை பொலிஸார் பிடித்துச் சென்றனர்.  

நகரப் பகுதிகளில் அனுமதியின்றி போராட்டங்கள் நடத்துவதைத் தவிர்க்குமாறும், சட்டம் ஒழுங்கை பராமரிக்க பொதுமக்கள் ஒத்துழைக்குமாறும் மும்பை பொலிஸார் கேட்டுக்கொண்டுள்ளனர்.