சர்வதேச மன்னிப்புச் சபை எச்சரிக்கை: குற்றத் தடுப்புச் சட்டமூலத்தை உடனடியாகத் திரும்பப் பெறுக!

செவ்வாய்க்கிழமை (27) வெளியிடப்பட்ட அறிக்கையொன்றில், முன்மொழியப்பட்ட சட்டமூலத்தை தேசிய மக்கள் சக்தி (NPP) அரசாங்கம் கொண்டு வந்த சட்டங்களிலேயே மிகவும் கவலைக்குரிய சட்டங்களில் ஒன்றாக இந்த சர்வதேச மனித உரிமைகள் அமைப்பு விவரித்துள்ளது.

இந்த சட்டமூலத்தின் கீழ், சந்தேக நபர்களை விசாரணை இன்றி இரண்டு ஆண்டுகள் வரை சிறை வைக்க முடியும் என்றும், மூத்த பொலிஸ் அதிகாரிகளிடம் பெறப்பட்ட வாக்குமூலங்களை நீதிமன்றத்தில் ஆதாரமாகப் பயன்படுத்த அனுமதிக்க முடியும் என்றும், நீதிமன்ற நடவடிக்கைகள் குறித்த ஊடகச் செய்திகளுக்குக் கட்டுப்பாடு விதிக்க முடியும் என்றும் சர்வதேச மன்னிப்புச் சபை எச்சரித்துள்ளது.