41 பேர் பலியான தீ விபத்து உணவகத்தின் உரிமையாளர் குடும்ப வன்முறை வழக்கில் கைது: சுவிட்சர்லாந்தில் பரபரப்பு!

சுவிட்சர்லாந்தின் Gran-Montana பகுதியில் புத்தாண்டு இரவன்று 41 பேர் உயிரிழந்த கோரத் தீ விபத்து நேரிட்ட ‘லே கான்ஸ்டலேஷன்’ மதுபானக் கூடத்தின் உரிமையாளரான Jacques Moretti குடும்ப வன்முறை குற்றச்சாட்டின் கீழ் காவல் துறையினரால் கைது செய்யப்பட்டுள்ளார்.  

கடந்த ஆகஸ்ட் 11 மற்றும் 12 ஆம் தேதிகளுக்கு இடைப்பட்ட இரவில், தனது மனைவி ஜெஸிகா மீது தாக்குதல் நடத்தியதாக எழுந்த குற்றச்சாட்டைத் தொடர்ந்து அவர் கைது செய்யப்பட்டு காவல் காவலில் வைக்கப்பட்டுள்ளதாக லோக்கல் ஊடகங்கள் தெரிவித்துள்ளன. காயமடைந்த அவரது மனைவி மருத்துவமனையில் அனுமதிக்கப்பட்டுள்ளார். 

 ஏற்கனவே புத்தாண்டுத் தீ விபத்து தொடர்பான கிரிமினல் விசாரணையை இந்தத் தம்பதியினர் எதிர்கொண்டு வரும் நிலையில், தற்போது எழுந்துள்ள இந்த குடும்ப வன்முறை வழக்கு அதிலிருந்து தனியாக விசாரிக்கப்படும் என்று அவர்களின் சட்டத்தரணிகள் தெரிவித்துள்ளனர்.