தினமும் புத்துணர்ச்சியாக வாழ... உங்களை மாற்றும் 5 எளிய யோகாசனங்கள்!

காலையில் எழுந்தவுடன் ஏற்படும் சோர்வை நீக்கி, நாள் முழுவதும் உடலையும் மனதையும் சுறுசுறுப்பாக வைத்திருக்க யோகாசனம் சிறந்த வழியாகும். தினமும் வெறும் 15 நிமிடங்கள் இந்த யோகாசனங்களைச் செய்து வந்தாலே போதும், புத்துணர்ச்சி உங்கள் வசமாகும்.

சூரிய நமஸ்காரம்:

உடலின் உச்சி முதல் பாதம் வரை அனைத்து பாகங்களுக்கும் பயிற்சி அளிக்கும் சிறந்த ஆசனம் இது. இரத்த ஓட்டத்தை சீராக்கி, உடலுக்கு உடனடி ஆற்றலைத் தரும்.

தாடாசனம்:

நேராக நின்று கைகளை மேலே உயர்த்தி உடலை நீட்டி செய்யும் பயிற்சி. இது நரம்பு மண்டலத்தை தூண்டி, சோம்பலை விரட்டி உடலின் சமநிலையை (Balance) மேம்படுத்தும்.

புஜங்காசனம்:

கவுழ்ந்து படுத்து மார்புப் பகுதியை மேலே உயர்த்தும் பயிற்சி. நுரையீரல் திறனை அதிகரித்து, ஆழமான சுவாசத்திற்கு உதவும். முதுகுவலியை நீக்கி சுறுசுறுப்பைத் தரும்.

அதோ முக ஸ்வானாசனம்:

உடலை 'V' வடிவத்தில் வளைத்து செய்யும் பயிற்சி. மூளைக்குச் செல்லும் இரத்த ஓட்டத்தை அதிகரித்து, மன அழுத்தத்தைக் குறைத்து உடனடியாகப் புத்துணர்ச்சி அளிக்கும்.

சவாசனம்:

பயிற்சிகளின் இறுதியில் 5 நிமிடங்கள் மல்லாந்து படுத்து உடலையும் மனதையும் ஓய்வெடுக்க வைக்கும் ஆசனம். இது நரம்புகளை அமைதிப்படுத்தி, நாள் முழுவதற்குமான புத்துணர்ச்சியைத் தக்கவைக்கும்.

காலை வேளையில் வெறும் வயிற்றில், காற்றோட்டமான இடத்தில் இந்தப் பயிற்சிகளைச் செய்வது அதிக நன்மைகளைத் தரும். தினமும் தொடர் பயிற்சியால் ஆரோக்கியமான வாழ்வைப் பெறுங்கள்!