தவறினால் ₹50,000 அபராதம்! முதல்வர் விஜய், ஆதவ் அர்ஜுனாவுக்குச் சென்னை உயர் நீதிமன்றம் எச்சரிக்கை!

தேர்தல் வழக்கைத் தள்ளுபடி செய்யக் கோரும் மனுவைத் தாக்கல் செய்ய மேலும் அவகாசம் கேட்டதற்காக, தமிழக முதலமைச்சர் விஜய் மற்றும் அமைச்சர் ஆதவ் அர்ஜுனாவுக்குத் தலா ₹50,000 அபராதம் விதிக்கப்படும் என சென்னை உயர் நீதிமன்றம் கடும் எச்சரிக்கை விடுத்துள்ளது.

கடந்த 2026 சட்டமன்றத் தேர்தலில் வெற்றி பெற்ற முதலமைச்சர் விஜய் மற்றும் அமைச்சர் ஆதவ் அர்ஜுனா ஆகியோரின் வெற்றியை எதிர்த்துத் தாக்கல் செய்யப்பட்ட தேர்தல் வழக்குகளை நிராகரிக்கக் கோரி மனுத் தாக்கல் செய்ய ஏற்கனவே நீதிமன்றம் உத்தரவிட்டிருந்தது.

இன்று இந்த வழக்கு நீதிபதி வி.லட்சுமி நாராயணன் அமர்வில் விசாரணைக்கு வந்தபோது, சட்டமன்ற கூட்டத்தொடர் நடைபெற்று வருவதால் மனுவில் கையெழுத்து பெற தாமதமானதாகக் கூறி மீண்டும் அவகாசம் கேட்கப்பட்டது.

"நபர்களைப் பற்றி நீதிமன்றத்திற்கு கவலையில்லை. தேர்தல் வழக்குகள் 6 மாதத்திற்குள் முடித்து வைக்கப்பட வேண்டும். மேலும் அவகாசம் வழங்க முடியாது"

எனத் தெரிவித்து, வரும் ஆகஸ்ட் 27-ஆம் தேதிக்குள் மனுத் தாக்கல் செய்யத் தவறினால் தலா ₹50,000 அபராதம் விதிக்கப்படும் என எச்சரித்து வழக்கின் விசாரணையை ஒத்திவைத்தார்.