ராஜஸ்தானில் 611 அரசு பள்ளிகளுக்கு சொந்தக் கட்டிடம் இல்லை

2025–26ஆம் ஆண்டுக்கான கல்வித் தரவுகளின்படி, இதில் 10 பள்ளிகள் பெண்களுக்கான பள்ளிகளாகும். தலைநகர் ஜெய்ப்பூரில் மட்டும் 38 பள்ளிகள் கட்டிட வசதியின்றி இயங்கி வருகின்றன. மேலும், சொந்தக் கட்டிடங்களைக் கொண்டுள்ள அரசுப் பள்ளிகளில் 2,047 பள்ளிகளுக்கு கழிப்பறை வசதியும், 1,049 பள்ளிகளுக்கு குடிநீர் வசதியும் இல்லை என அரசு தெரிவித்துள்ளது.

இதனிடையே, அரசு பள்ளிகளின் நிலை குறித்து CJP அமைப்பு மேற்கொண்ட கள ஆய்வும் சர்ச்சையை ஏற்படுத்தியுள்ளது. ஜெய்ப்பூர் அருகே ஒரு அரசு பள்ளி மாட்டுத் தொழுவத்தில் செயல்படுவதாகக் கூறப்பட்ட புகாரை ஆய்வு செய்யச் சென்ற CJP குழுவினர் அங்கிருந்து விரட்டப்பட்டதாக தெரிவிக்கப்பட்டுள்ளது. பள்ளிகளின் உட்கட்டமைப்பை மேம்படுத்த 550 கோடி ரூபாயும், புதிய பள்ளிக் கட்டிடங்கள் அமைக்க 450 கோடி ரூபாயும் ஒதுக்கப்பட்டுள்ளதாக ராஜஸ்தான் அரசு தெரிவித்துள்ளது.