அமெரிக்காவுக்கு ஈரான் விதித்த 7 நிபந்தனைகள்: ஏற்றுக்கொண்டால் மட்டுமே அமைதிப் பேச்சுவார்த்தை சாத்தியம் என எச்சரிக்கை!

அமெரிக்க ஜனாதிபதி டொனால்ட் ட்ரம்ப் தனது கோரிக்கைகளை நிராகரித்தால், “தீர்க்கமான போரை” எதிர்கொள்ளத் தயாராக இருப்பதாக ஈரானிய இராஜதந்திரி ஒருவர் தெரிவித்துள்ளார்.

“போரை முடிவுக்குக் கொண்டுவரும் நோக்கில், வொஷிங்டனிடம் எங்கள் நிபந்தனைகளைத் தெரிவித்துள்ள மத்தியஸ்த நாடான கட்டாருடன் நாங்கள் தொடர்ந்து தொடர்பில் இருக்கிறோம்; ஜனாதிபதி ட்ரம்ப்பின் பதிலுக்காகக் காத்திருக்கிறோம்,” என்று ஈரானின் உயர்மட்ட தேசிய பாதுகாப்பு கவுன்சிலின் செயலாளர் மொஹ்சென் ரெசாயி கூறியதாக தெரிவிக்கப்பட்டுள்ளது.

அனைத்து முனைகளிலும் சண்டையை நிறுத்துதல், முடக்கிவைக்கப்பட்டுள்ள ஈரானிய நிதியை விடுவித்தல் மற்றும் அமெரிக்காவின் கடற்படை முற்றுகையை முடிவுக்குக் கொண்டுவருதல் ஆகியவை அவை.

“இந்த நிபந்தனைகளை ஏற்றுக்கொள்வது வொஷிங்டனின் நலனுக்கு உகந்தது. ட்ரம்ப்பின் அச்சுறுத்தல்கள் எந்தப் பலனையும் அளிக்காது. நாங்கள் ஒரு தீர்க்கமான போருக்குத் தயாராக இருக்கிறோம்,” என்றும் அவர் கூறினார்.