சீனாவில் 7 வயது சிறுமி சாதனை : AI மூலம் செயலி உருவாக்கி ரூ.2.5 லட்சத்திற்கு விற்பனை!

செயற்கை நுண்ணறிவு (AI) தொழில்நுட்பத்தின் உதவியுடன் ஒரு புதிய மொபைல் செயலியை (App) வடிவமைத்து, அதை 2.5 லட்சம் ரூபாய்க்கு விற்பனை செய்து சீனாவைச் சேர்ந்த 2-ம் வகுப்பு மாணவி உலக அளவில் வியப்பை ஏற்படுத்தியுள்ளார்.

தொழில்நுட்ப வளர்ச்சியில் சீனா முன்னணியில் இருந்து வரும் நிலையில், அங்குள்ள பள்ளிச் சிறுமியின் இந்த சாதனை சர்வதேச அளவில் கவனம் பெற்றுள்ளது.

சீனாவைச் சேர்ந்த 7 வயது சிறுமி ஒருவர் 2-ம் வகுப்பு படித்து வருகிறார். தொழில்நுட்பத்தின் மீது கொண்ட ஆர்வத்தால்,Coding பற்றிய அடிப்படை விவரங்களை அறிந்துகொண்ட அவர், Artificial Intelligence கருவிகளின் உதவியை நாடியுள்ளார்.

அதன் மூலம், தனது சொந்த யோசனையில் அன்றாடப் பயன்பாட்டிற்கு உதவும் வகையில் ஒரு புதிய மொபைல் செயலியை உருவாக்கியுள்ளார்.

சிறுமி வடிவமைத்த இந்த செயலியின் செயல்திறன் மற்றும் வடிவமைப்பு பலரைக் கவர்ந்தது. இதையடுத்து, ஒரு தனியார் தொழில்நுட்ப நிறுவனம் இந்த செயலியை ரூ.2,50,000 (இந்திய மதிப்பில்) கொடுத்து வாங்க முன்வந்தது.

இவ்வளவு சிறிய வயதிலேயே AI தொழில்நுட்பத்தைச் சரியாகப் பயன்படுத்தி சாதனை படைத்த அந்த சிறுமிக்கு சமூக வலைதளங்களிலும், தொழில்நுட்ப வல்லுநர்கள் மத்தியிலும் பாராட்டுகள் குவிந்து வருகின்றன. எதிர்கால சந்ததியினருக்கு AI தொழில்நுட்பம் எத்தகைய பெரிய வாய்ப்புகளை உருவாக்கும் என்பதற்கு இந்தச் சிறுமியே சிறந்த எடுத்துக்காட்டு எனப் பலரும் கருத்து தெரிவித்து வருகின்றனர்.