சுவிட்சர்லாந்தில் புதிய புரட்சி - ஐந்தில் நான்கு பேர் AI தொழில்நுட்பத்தை பயன்படுத்துவதாக ஆய்வில் தகவல்

சுவிட்சர்லாந்து நாட்டில் செயற்கை நுண்ணறிவு எனப்படும் AI தொழில்நுட்பத்தின் பயன்பாடு முன்னெப்போதும் இல்லாத வகையில் புதிய உச்சத்தை தொட்டுள்ளது.

அண்மையில் வெளியான Digimonitorஆய்வறிக்கையின்படி, சுவிட்சர்லாந்தில் ஐந்தில் நான்கு பேர் (80%) AI தொழில்நுட்பத்தை தங்களின் அன்றாட வாழ்வில் பயன்படுத்தி வருகின்றனர்! கடந்த இரண்டு ஆண்டுகளில் இந்த பயன்பாடு இரட்டிப்பாகியுள்ளது. 

வெறும் மொழிபெயர்ப்பு அல்லது உரை உருவாக்கத்திற்கு மட்டுமின்றி, இணைய தேடல்கள்,e-learning மற்றும் வணிக ஆலோசனைகளுக்கும் மக்கள் AI-ஐ அதிகளவில் நாடுவது இந்த ஆய்வில் தெரியவந்துள்ளது.

சுவிஸ் மக்களிடையே ChatGPT தளம் முதலிடத்திலும், அதைத் தொடர்ந்து Gemini மற்றும் Copilot தளங்களும் பிரபலமாக பயன்படுத்தப்பட்டு வருகின்றன. தொழில்நுட்ப புரட்சியில் சுவிட்சர்லாந்து புதிய மைல்கல்லை எட்டியுள்ள செய்தி உலகளவில் கவனத்தை ஈர்த்துள்ளது."