சுவிட்சர்லாந்தின் ஓல்டன் நகரில் திடீர் வெடிப்பு - பரபரப்பு!

ஓல்டன் நகரின் தொழிற்பேட்டைப் பகுதியில் நின்றுகொண்டிருந்த சொகுசுப் பேருந்து போன்ற ஊர்தி (Trailer / Wohnwagen) திடீரென தீப்பிடித்து எரிந்ததோடு, அடுத்தடுத்து தொடர் வெடிச் சம்பவங்களும் பதிவாகியுள்ளன. 

இந்த விபத்தில் படுகாயமடைந்த ஒருவர் மீட்கப்பட்டு, அவசர ஊர்தி ஹெலிகாப்டர் மூலம் சிகிச்சைக்காக மருத்துவமனைக்கு அழைத்துச் செல்லப்பட்டார். மற்றொருவர் லேசான காயங்களுடன் தப்பினார்.  

தகவல் அறிந்து உடனடியாக நிகழ்விடத்திற்கு வந்த சோல்தூர்ன் (Solothurn) மாகாணக் காவல்துறையினர், தீயணைப்புப் படையினர் மற்றும் மீட்புக்குழுவினர் தீயைக் கட்டுப்பாட்டுக்குள் கொண்டுவந்தனர்.  

வெடிப்புக்கான சரியான காரணம் குறித்து காவல்துறையினர் மற்றும் தீயணைப்புத் துறை நிபுணர்கள் தீவிர விசாரணை மேற்கொண்டு வருகின்றனர்.