சுவிட்சர்லாந்தின் 10 பெரிய ஏரிகளை நீந்திக் கடந்த நீச்சல் வீரர்

40 வயதான Neil Gilson, முன்னாள் தொழில்முறை 1,500 மீட்டர் ஓட்டப்பந்தய வீரர் ஆவார். இரண்டு ஆண்டுகளாக நீடித்த இந்த சவாலில், அவர் மொத்தம் 369 கிலோமீட்டர் தூரத்தை நீந்திக் கடந்துள்ளார்.

தனது இறுதி முயற்சியாக, Lake Geneva-வில் உள்ள Château de Chillon பகுதியில் இருந்து Genève-யில் உள்ள Bains des Pâquis வரை சுமார் 72 கிலோமீட்டர் தூரத்தை நீந்தினார். இந்த நீண்ட பயணத்தை அவர் 23 மணி நேரம் 15 நிமிடங்களில் நிறைவு செய்தார்.

இந்த சாதனை அதிகாரப்பூர்வமாக சரிபார்க்கப்பட்டால், 2024ஆம் ஆண்டு Lake Geneva-வை கடந்து அவர் ஏற்கனவே படைத்த சாதனையுடன் சேர்த்து, Neil Gilson மொத்தம் ஒன்பது புதிய சாதனைகளைப் படைத்திருப்பார். ஆனால், இந்த நீச்சல் சவாலின் பின்னணியில் மற்றொரு முக்கியமான நோக்கமும் உள்ளது.

தனது 18 மாதக் குழந்தைக்கு PANDAS எனப்படும் அரிய நரம்பியல் மற்றும் மனநலக் கோளாறு கண்டறியப்பட்டதைத் தொடர்ந்து, அந்த நோய் குறித்த விழிப்புணர்வை ஏற்படுத்துவதற்காகவே இந்த சவாலை அவர் மேற்கொண்டுள்ளார்.

சாதனையை நிறைவு செய்துள்ள Neil Gilson, தனது நீண்ட தூர நீச்சல் முயற்சியின் மூலம் PANDAS குறித்து பொதுமக்களிடையே அதிக விழிப்புணர்வை ஏற்படுத்தியுள்ளார்.