சீனாவில் லைபீரியக் கப்பலில் பயங்கர தீ விபத்து – 20 பேர் பரிதாப பலி!

சீனக் கடற்பகுதியில் பயணித்துக் கொண்டிருந்த லைபீரிய நாட்டுச் சரக்குக் கப்பலில் ஏற்பட்ட பயங்கரத் தீ விபத்தில் 20 பணியாளர்கள் பரிதாபமாக உயிரிழந்தனர். மேலும் மாயமான 5 பேரைத் தேடும் தீவிரப் பணியில் மீட்புக் குழுவினர் ஈடுபட்டுள்ளனர்.

லைபீரிய நாட்டுக் கொடியுடன் எண்ணெய்ப் பேரள்கள் மற்றும் கனரகச் சரக்குகளை ஏற்றிச் சென்ற சரக்குக் கப்பல், சீனக் கடற்பகுதி வழியாகச் சென்றபோது இந்த அசம்பாவிதம் நிகழ்ந்துள்ளது.

கப்பலின் எஞ்சின் பகுதியில் (Engine Room) ஏற்பட்ட திடீர் கோளாறு காரணமாகப் பயங்கரச் சத்தத்துடன் வெடிப்பு ஏற்பட்டது.வெடிப்பு நிகழ்ந்த சில நிமிடங்களிலேயே தீ கப்பலின் பிற பகுதிகளுக்கும் அதிவேகமாகப் பரவியது.தகவலறிந்து சம்பவ இடத்திற்கு விரைந்த சீனக் கடலோரக் காவல் படை, ஹெலிகாப்டர்கள் மற்றும் தீயணைப்புப் படகுகள் மூலம் தீயைக் கட்டுப்படுத்தும் பணியில் ஈடுபட்டன.

காயமடைந்த பணியாளர்கள் அனைவரும் அருகில் உள்ள மருத்துவமனைகளில் சிகிச்சைக்காக அனுமதிக்கப்பட்டுள்ளனர். விபத்து குறித்து வழக்குப்பதிவு செய்துள்ள அதிகாரிகள், எஞ்சின் கோளாறு காரணமாகவே தீ விபத்து ஏற்பட்டதா அல்லது வேறு ஏதேனும் காரணங்கள் உள்ளதா என்ற கோணத்தில் உயர்மட்ட விசாரணையைத் தொடங்கியுள்ளனர்.