இளம் தலைமுறையினரின் பாதுகாப்பிற்காக அதிரடிச் சட்டம்: நியூசிலாந்தில் சமூக ஊடகங்களுக்குக் கட்டுப்பாடுகள்!

சமூக ஊடகங்களால் இளம் தலைமுறையினர் சந்தித்து வரும் மனநல பாதிப்புகள் மற்றும் பாதுகாப்பைக் கருத்தில் கொண்டு, நியூசிலாந்து அரசாங்கம் ஒரு முக்கிய மசோதாவை அறிமுகப்படுத்தியுள்ளது. இதன் மூலம் 16 வயதுக்குட்பட்ட குழந்தைகள் சமூக ஊடகங்களைப் பயன்படுத்துவதற்குத் தடை விதிக்கப்பட உள்ளது.

நாடாளுமன்றத்தில் இந்த மசோதாவை அறிமுகப்படுத்திய பின் பேசிய அந்நாட்டுப் பிரதமர் கிறிஸ்டோபர் லக்சன், இன்றைய இளைய சமுதாயம் சமூக ஊடகங்களின் அடிமைத்தனத்தாலும், தீங்கு விளைவிக்கும் உள்ளடக்கங்களாலும் பெருமளவில் பாதிக்கப்பட்டுள்ளதாகத் தெரிவித்தார். 

13 முதல் 17 வயதுக்குட்பட்டவர்களில் மூன்றில் ஒரு பங்கு குழந்தைகள் நாளொன்றுக்கு குறைந்தபட்சம் 5 மணி நேரத்திற்கும் மேலாகச் சமூக ஊடகங்களில் நேரத்தைச் செலவிடுவதாகவும், இது அவர்களது கல்வி, தூக்கம் மற்றும் குடும்ப வாழ்க்கையைப் மோசமாக பாதிப்பதாகவும் அவர் கவலை தெரிவித்தார்.

இந்தச் புதிய சட்டத்தின் கீழ்,Instagram, TikTok, Snapchat மற்றும் Facebook போன்ற முன்னணிச் சமூக ஊடகத் தளங்கள் பயனர்களின் வயதைச் சரிபார்க்கும் முறையைக் கட்டாயமாக்க வேண்டும்.

Facial age estimation, டிஜிட்டல் அடையாள ஆவணங்கள் மூலம் பயனர்களின் வயதைச் சரிபார்க்க நிறுவனங்கள் நடவடிக்கை எடுக்க வேண்டும்.

விதிகளுக்குப் புறம்பாகச் செயல்படும் பெரு நிறுவனங்களுக்கு அவற்றின் உலகளாவிய வருவாயில் 10 சதவீதம் வரை அபராதம் விதிக்கப்படும் என எச்சரிக்கப்பட்டுள்ளது.

முன்னதாக ஆஸ்திரேலியாவில் இதே போன்ற சட்டம் அமல்படுத்தப்பட்டதைத் தொடர்ந்து, உலகளவில் பல நாடுகள் குழந்தைகளைப் பாதுகாக்க இது போன்ற தீவிரக் நடவடிக்கைகளில் இறங்கி வருவது குறிப்பிடத்தக்கது.