சிங்கப்பூர் அரசின் அதிரடி திட்டம்:புதிதாகக் குழந்தை பெற்றால் 55,000 டாலர் நிதியுதவி!

நாட்டின் சரிந்து வரும் பிறப்பு விகிதத்தை உயர்த்துவதற்காகவும், குடும்பப் பராமரிப்புச் செலவுகளைக் குறைப்பதற்காகவும், பிறந்த குழந்தை ஒவ்வொன்றுக்கும் 17 வயது வரை சுமார் 70,000 சிங்கப்பூர் டாலர் (சுமார் $55,000 அமெரிக்க டாலர்) நிதியுதவி வழங்கும் புதிய திட்டத்தை சிங்கப்பூர் அரசு அறிவித்துள்ளது. 

சிங்கப்பூர் பிரதமர் லாரன்ஸ் வோங் தனது உரையில் இந்த வரலாற்றுச் சிறப்புமிக்க நிதியுதவித் திட்டத்தை வெளியிட்டுள்ளார். 

நேரடி நிதியுதவி: புதிய திட்டத்தின் கீழ் பிறந்த குழந்தை ஒன்றுக்கு ஆரம்பக்கட்டப் பரிசாக 10,000 சிங்கப்பூர் டாலரும், குழந்தை வளர்ப்பிற்கான பிற நிதியுதவிகள் மற்றும் கல்வி நிதிகள் உட்பட மொத்தம் 17 வயது வரை படிப்படியாக இந்த உதவித்தொகை வழங்கப்படும். 

நிதியுதவி மட்டுமின்றி, முன்பள்ளிப் பருவக் குழந்தைகளுக்கான பராமரிப்புக் கட்டணத்தைக் குறைத்தல், பெற்றோருக்கான ஊதியத்துடன் கூடிய விடுமுறைகளை அதிகரித்தல் மற்றும் வீட்டுவசதி முன்னுரிமை அளித்தல் போன்ற சலுகைகளும் இதில் அடங்கும்.  

சிங்கப்பூரின் பிறப்பு விகிதம் கடந்த ஆண்டில் வரலாற்றுச் சரிவாக 0.87 என்ற அளவுக்குக் குறைந்ததைத் தொடர்ந்தே, பெற்றோரையும் இளைஞர்களையும் ஊக்குவிக்கும் வகையில் அரசு இந்த முடிவை எடுத்துள்ளது.