மலிவு விலையில் புற்றுநோய் சிகிச்சைக்கான மருந்து - புதிய திட்டம்!

சுமார் 322 மில்லியன் அமெரிக்க டாலர் மதிப்பிலான இந்த மைல்கல் ஒப்பந்தத்தின் கீழ், 10 புதிய பயோசிமிலர் மருந்துகளை உருவாக்கவும் சந்தைப்படுத்தவும் திட்டமிடப்பட்டுள்ளது. இதன் மூலம், சீனாவுக்கு வெளியே சர்வதேச சந்தைகளில் இந்த மருந்துகளை விற்பனை செய்யும் பிரத்யேக உரிமையை சாண்டோஸ் பெறுகிறது. 

அதே வேளையில், மருந்துகளின் ஆராய்ச்சி மற்றும் உற்பத்தியை சீன நிறுவனமான ஹென்லியஸ் மேற்கொள்ளும். புற்றுநோய் சிகிச்சைக்கான 'செடூக்சிமேப்' (Cetuximab), கொலஸ்ட்ராலைக் குறைக்கும் 'எவோலோகுமாப்' (Evolocumab), மற்றும் நோய் எதிர்ப்பு மண்டலம் சார்ந்த பாதிப்புகளுக்கான 'பெலிமுமாப்' (Belimumab) ஆகிய மூன்று முக்கிய மருந்துகளின் மலிவு விலை மாற்றுப் பதிப்புகளை தயாரிப்பதே இதன் முதற்கட்ட இலக்காகும்.  

அசல் உயிரியல் மருந்துகளின் காப்புரிமை காலம் முடிந்த பிறகு, அதே தரத்தில் குறைந்த விலையில் மக்களுக்கு வழங்கும் 'பயோசிமிலர்' துறை வேகமான வளர்ச்சி கண்டு வரும் சூழலில், சாண்டோஸ் நிறுவனத்தின் இந்த நடவடிக்கை சர்வதேச சந்தையில் அதன் இடத்தை மேலும் வலுப்படுத்தியுள்ளது.